Compartimos convosco algunhas das camisetas que levamos dende os inicios do equipo, até a temporada pasada. Cal é a túa favorita?
Ártabros
Fillos de Breogán
Fillos de Breogán – Vintage
Camiseta de adestramento
Proximamente á venda!
Comezamos unha nova temporada, con nova camisola.
Novo formato de liga. Dúas competicións: Apertura (de setembro/outubro a decembro), e Clausura (de xaneiro a marzo). Dous títulos polos que pelexar.
Na foto, caras novas e vellas coñecidas. Todos benvidos!
Forza Fillos!
No verán do 2021 visitounos unha persoa moi especial. John O’ Keeffe é un rapaz de Cork que veu á Coruña hai dez anos, cando o equipo de Fillos levaba pouco tempo formado, e ensinounos como se xoga a este deporte tan apaixonante.
Dez anos despois volveu coñecer os actuais xogadores, e o club que tanto medrou logo da súa primeira chegada á capital herculina. Tróuxonos uns agasallos: uns sticks e bólas de Hurling por se algun día montamos un equipo desta modalidade. Pese a ter máis afección polo Hurling que polo Football, moitas das regras son moi similares.
Moitas grazas, John. Sabes que na Coruña sempre serás ben recibido.
Novo título para os Fillos de Breogán.
Logo de derrotar a Keltoi nas semifinais, sendo coma todos os partidos desta tempada bastante intenso e disputado, o conxunto coruñés xogaríase a Copa contra o eterno rival: o Estrela Vermella de Santiago.
Mermados fisicamente e con poucos cambios, o equipo santiagués realizou un xogo moi defensivo, e soamente puido procurar que o resultado non fose moi abultado.
Esta foi sen dúbida a guinda do pastel a unha tempada 10 como equipo. Parabéns a todos!
Logo de se clasificar para a fase final da copa All Galicia, os Fillos de Breogán enfrontaranse aos vellos coñecidos do Keltoi, equipo co que disputou o titulo de liga hai unhas semanas. Se logran a victoria, enfrontaranse ao gañador da outra semifinal (Estrela Vermella ou Auriense).
Os fillos de Breogán proclámanse campions da liga galega 20/21 tras enfrontarse ao equipo de Keltoi Vigo na súa casa, nos campos da ETEA.
O conxunto masculino remata a liga invicto, e continúa a boa xeira de resultados xa que non perde dende o partido de ida contra o Estrela Vermelha na primeira volta da temporada 19/20.
Agora toca preparar a Copa All Galicia, que se xogará primeiro en formato eliminatoria, e despois haberá unha fase final cos mellores equipos de Galicia.
Despois de case un ano sen gaélico, voltamos xogar partidos. Aínda que con máscaras, con distanciamento nas fotos post-partido, e sen terceiro tempo, dá gusto voltar a compartir terreos de xogo.
Unha das temporadas máis exitosas de asistencia aos adestramentos. Voltamos aos campos de xogo despois de varios meses afastados deles e sen contacto cos nosos compañeiros e compañeiras.
Despois de meses de confinamento, e con medidas moi restrictivas de distanciamento social, voltamos adestrar e fixémolo con moitas ganas.
Benvidos e Benvidas, Fill@s de Breogán.
O 8 de marzo do 2020 vaise recordar por moitos motivos en todo o mundo. En España e no mundo levávanse a cabo manifestacións polo día da muller, celebrábanse mitins políticos dalgúns partidos por mor da celebración das próximas eleccións o goberno… e no mundo do gaélico galego, desputábase o encontro máis interesante da Liga. O que enfrontaría os santiagueses do Estrela Vermella, líderes da competición (tendo gañado o partido de ida na Coruña por 1 punto de vantaxe) contra os Fillos de Breogán, grandes candidatos ó título despois das cómodas victorias nos partidos desputados tanto lonxe da Coruña como na cidade herculina (a excepción deste partido mencionado).
Os homes de Seijas viaxaban ó campo de Chaián, no concello de Trazo, con prácticamente todos os seus efectivos coa idea de levarse os 2 puntos de volta para Coruña, sabendo que non ía ser un partido sinxelo contra o que sempre foi o rival máis forte. Foi un partido moi desputado, no que ambos conxuntos despregaron un xogo rápido, vistoso e vibrante, con moitas alternativas, pero que case sempre estivo nas máns dos coruñeses, chegando a ter unha diferencia no marcador de varios puntos. Sen embargo, os santiagueses nunca tiraron a toalla e chegaban o final do encontro con opcións.
Paradoxas do destino, o resultado final 22-23 para os da Coruña, deixaba máis igualada aínda a liga, xa que tanto os blanquiazuis como os blaugrana tiñan o mesmo numero de puntos, e a mesma diferencia de puntos nos seus enfrontamentos individuais.
A falta dun partido adiado por desputar a cada equipo, todo estaba por decidir. Mesmo se falaba da posibilidade de xogar un REPLAY (tipico no mundo anglosaxon) que non sería mais que repetir o partido entre os dous equipos, sempre e cando os resultados dos partidos restantes fosen sendas victorias e acadasen a liga igualados.
Aínda así, o 14 de marzo interrompíase a nosa vida coa imparable aparición do COVID-19, bloquearía o mundo durante varios meses, e consecuentemente a vida deportiva.
Despois de varias teorías sobre a volta os terreos de futbol para rematar a tempada, descartouse e rapidamente comezou a organizarse o que sería a volta a Nova-Normalidade do gaélico galego. Tempada 20/21.
Dobre vitoria para o clube nesta fin de semana de desprazamentos, onde as Fillas acadan a súa primeira victoria nesta liga e Fillos continúa a súa boa racha.
Comezaban as fillas de Breogán co seu desprazamento ata Gondomar, a viaxe máis longa da liga galega onde se atoparían ás rapazas de Turonia, que no seu segundo ano de competición, están facendo un moi bo papel aportando xogadoras á Selección Galega. Os prognósticos para as nosas rapazas non eran bos, xa que viñan de colleitar dúas duras derrotas fronte Estrela e Auriense, e contaban con numerosas baixas para xogar debido ó horario e á distancia do desprazamento.
Partido igualado onde a vitoria finalmente viaxou cara Coruña. Comezaba o partido con moita intensidade por parte de ambos equipos. As xogadoras do Turonia, non baixaron o ritmo en ningún momento alentadas polos intentos da súa dianteira cara a portería rival, máis as Fillas de Breogán, férreas en defensa, impediron a transformación da maioría deses disparos. Ao descanso, o marcador ofrecía unha vantaxe de 12 puntos para as rapazas da Coruña que saían de novo ao campo cun claro obxectivo, manter a intensidade.
Durante a segunda parte, as combinacións encadeadas entre as rapazas de Fillas, creando xogadas dende a defensa, culminaron no acerto a portería aumentado o número de goles para o combinado herculino, facendo que a chagada a paos das xogadoras de Gondomar fose insuficiente para facerse co partido. O resultado final foi de Turonia FGF (3-14) – (6-18) Fillas de Breogán.
As 17:00 horas era o turno dos Fillos, que viaxaban á Illa de Arousa con algunha baixa por lesión, pero cun plantel moi competitivo. Descoñecedores do nivel que amosarían os locais, os Fillos saíron moi ben posicionados, cunha alta presión a todo o campo e tentando dominar o marcador dende o comezo, finalizando todas as xogadas que tiñan. Os primeiros minutos demostraron que os Fillos viñan a gañar e demostrar que, xogasen onde xogasen, non demostrarían síntomas de fraqueza. Na primeira metade, pese a encaixar 1 gol e 3 puntos, dominaban a pracer chegando a meter 12 goles e rematando a punto outras tantas xogadas. No descanso lideraban 50 a 6.
Na segunda parte os visitantes cambiaron a estratexia e probaron a rematar a maioría de xogadas a punto, deixando mover máis a pelota ó equipo visitante, tan so encaixaron 4 puntos fronte ós case 30 dos coruñeses. Resultado final 1-7 78. A nota negativa deuna o noso porteiro Juan Mejuto, que tivo que ser trocado na segunda parte tras levar un golpe nas costelas loitando por un balón divido. Agardamos que se recupere e volva pronto.
